Naragsak nga Piyesta ti Panagbunyag ni Apo Hesus! Naragsak nga baro a tawen!
(1) Iti Liturgical calendar, iti Piyesta ti Panagbunyag ni Apo Hesus iti maudi nga aldaw ti season ti Christmas. Nu bigat ket agrugi ti ordinary season. Maikat dagiti Christmas decors ken sumardeng ti panagkanta ti Christmas songs.
(2) Karebengan ti ubing nga manbunyagan uray nu ania ti situasyun ti paryentes na. Awan ti makalaped koma ti bunyag.
(3) Iti sursuro ti simbaan masapol nga mabunyagan ti ubing tapnu maugasan ti basol a tawid. Nagalas met nga intayo tawiden ti utang ngem mas na-al-alas nga tawiden ti basol.
(4) Iti bunyag nga agbalin ti ubing nga anak ti Dios. Isu’t gapuna nga nu mabunyagan tayo agbalin tayon nga kabsat ni Apo Hesus nga umararaw iti maymaysa nga Ama.
(5) Agbalin tayon nga paset ti simbaan nga ada paglintegan na kadagiti paset ti simbaan akas membro kas kadagiti naduma nga sacramentos.
(6) Agbalin tayo pay nga pagtaengan ti Espiritu Santo isunga ti bunyag palagipan datayo nga mangrespeto ti biag ken bagi tayo ken kasta met ti padatayo nga tatao.
(7) Ni Apo Hesus ket awan met basol na apay nga masapol nga mabunyagan?
a. Ti panagbunyag ni Apo Hesus ket isu ti paset ti biag na nga naiparangarang nga isuna ket Anak ti Ama sadi langit. “Datoy ti dungdungoek ken bugbugtong nga Anak ko agdengeg kayo kenkuana,” akas nasarita iti bibliya.
b. Idi nabunyagan ni Apo Hesus idiay Karayan Jordan ket iconsagrarna ti danum nga isu ti ususaren tayo a manbunyag ti tao.
c. Iti bunyag ni Apo Hesus ket naiparangarang ti tallo a persona ti Dios: Ama, Anak, ken Espiritu Santo.
c. Ti bunyag ni Apo Hesus ket ipasimudaag na ti kinapateg ti bunyag. Numanpay awan ti basol ni Apo Hesus nga dalusan koma ti bun-yag, ti bunyag na ket iparangarang na ti ayat ti Ama kenkuana.
d. Ti bunyag ni Apo Hesus ket ipasimudaagna ti panagrugi ti misyona.
Isunga dakayo nga paryentes saan yo koma lapedan dagiti ubbing nga umasideg ken Apo Hesus. Ipanyo ida ti simbaan tapnu mabunyaganda. Kuna ni Apo Hesus kadagiti tatao ken Apostoles, “Ipa-iyegyu ida kanyak di yo koma lapedan. Kayatko ida nga arakupen, ipatay ko ti imak kanyada, ken bendisyonak ida.”
(9) Isunga dakayo nga mangibagbaga nga aguray pay ta dumakelda, nakakaasi nga kitaen ti ubing nga bakbaklayena pay ti basol a tawid. Ti bunyag ti kapintasan ken kapatgan nga regalo ti anak. Saan nga matakaw. Saan nga mailako. Saan nga maikat. Saan nga mapukaw nga regalo ti Dios kadatayo.
(10) Kadagiti mangibagbaga nga saan nga mabunyagan ti anak ko ta saan kami nakasar ti simbaan, ipan yo ti anak yo ti simbaan ket makisarita kayo ken ni padi tapnu pagtuntungan yu ti pagsayatan ti agasawa ken ti anak. Saan nga laped ti situasyon ti paryentes para ti bunyag ti ubing. Naparaburtayo koma kadagiti naispirituan nga regalo para kadagiti ubing. Saan tayo koma nga naimut.
Papadi ken synodality
Rinugyan dagiti ti padi nga agnanaed diay Bishop Francisco F. Claver SJ pastoral complex, Teng-ab, Bontoc, Mountain Province ti baro a tawen ti maysa a naindaklan nga miting.
Naitalek kadakwada ti mangaywan kadagiti nadumaduma nga akem akas residenti ti pastoral complex.
Saan da laeng nga agnanaed gapu ti akemda nu diket agtaengda akas maysa pamilya para ti pagsayaatan ti simbaan ken panagdur-as ti programa.
Kayat da nga nasayaat ti biag da ditoy nga ili ken natalinaay ti trabaho isunga nagmeeting da akas padi ken madri, saan nga tapnu agdiskorso nu diket tapnu aglilinawag ken agtitinulong, agserbi, agkikinararag, ken akinorektar.
Iyaman ken ni Apo Dios ta narikna da ti panangitorong ti Dios kadakwada iti miting ken ti agtultulnoy nga panarabayna ti tunggal maysa.
Ti meeting ket saan nga seminar, tanu seminar, maysa lang ti agsasao.
Nu meeting ket amin ket agsao ngem agdengeg dagiti nalpas nga nagsaon. Isunga synodal ti rupana.
Pagyamanan da met amin dagiti tumultulong ti padi ken ti Teng-ab.
Agyamanak manen amin kadakayo nga timarabay ti kinapadki, iti programa ti simbaan, dagiti concerts for a cause, dagiti kankanta ken advocacia ti kappia ken panag-dur-as ti ili ken simbaan.
Ti Dios ti mangbendisyun kadakyo amin.
Ti pagayam yo, [email protected].
